SKSiglo.is

Fríða Gylfadóttir listamaður hefur nú sett af stað hugmynd sína um að prjóna trefil sem nær frá miðbæ Siglufjarðar og alla leið í gegnum Héðinsfjarðargöng og enda í miðbæ Ólafsfjarðar í tilefni vígslu gangnanna og tengja þannig byggðakjarnana.

Áætlað er að trefillinn verði um 17 km. langur og 20 cm. breiður segir listamaðurinn og vill helst að hann verði tilbúinn í byrjun september næstkomandi. Hugmyndin er að eftir að búið er að tengja byggðakjarnanna saman, verði trefillinn bútaður niður, þæfður, merki Fjallabyggðar saumað í treflana og þeir svo seldir til styrktar góðgerðarmála.



Fríða hvetur allt prjónafólk á Siglufirði, Ólafsfirði og um land allt til að sameinast og senda inn búta, garn og litir skipta engu máli. Áhugasamir geta haft samband við listamanninn í síma 896-8686.