„ Við ætlum ekki að borga erlendar skuldir óreiðumanna !“
Menn sem lögðu inn á hávaxtareikninga vissu að þeir væru að taka áhættu. Alveg eins og maður sem fer í spilavíti og leggur undir í rúllettu, Ef hann tapar þá borgar spilavítið honum ekki til baka. Af hverju á þá íslenska þjóðin að borga þessum fjárhættuspilurum sem íslenskir glæpamenn plötuðu í útlöndum ?
Þetta eru ótíndir glæpamenn að mati Geysers, sem eiga ekki heima í þeim lúxusklúbbum sem kallaðir eru fangelsi á Íslandi., Heldur telur Geyser að þeir eigi frekar heima í gálganum með öllum þeim fjármálaglæpamönnum sem lausir ganga og sitja um heilu þjóðirnar til að græða sjálfir á fjármálalegum hryðjuverkum eins og þeir framkvæmdu á Íslandi 2008. En Geyser varð vitni að áformum þeirra um að steypa Íslandi þegar hann var með þeim á hóteli 101 árið 2006.
Spákaupmennirnir stjórna öllum afleiðumörkuðum að mati Geysers og eru á fullu við að undirbúa næsta hrun. Hann segir matsfyrirtækin Fitsch og Moodys vera spilltar leigðar skækjur til að þjóna glæpamönnum. Gordon Brown hafi valdið Íslandi tjóni með því að kalla þá hryðjuverkamenn, sem sé alvarlegur hlutur í Bretlandi.( sbr. Dóminn yfir Hannesi Hólmsteini fyrir að tala illa um Jón Ólafsson fyrir hlutfallslegar smásakir) Íslendingar eigi að stefna Gordon Brown fyrir allri Icesave kröfunni.
Það sé ekki í neinum verkahring Íslendinga að skipta um bleyjur á grenjandi Bretum og Hollendingum sem létu íslenska glæpamenn hlunnfara sig. Þeim sé mátulega í rass rekið. Það eigi hinsvegar að rétta yfir þeim íslensku glæpamönnum sem búi í skjóli Brown á Bretlandseyjum. Og Geysir telur þá verðskulda hörðustu refsingu og Gordon Brown eigi að framselja þá frá bretlandi þar sem þeir hafa leitað skjóls með þýfi sitt.
Íslendingar eigi ekki að borga neitt Icesave. Það sé ekki nóg að segja nei í þjóðaratkvæðagreiðslunni heldur að neita alfarið að borga nokkuð. Íslendingar eiga ekkert undir Bretlandi né Evrópubandalaginu. Þeir geti staðið á eigin fótum og byggt upp sitt. land. Þeir séu eina ríkið sem stendur uppi í hárinu á hinum alþjóðlegu fjármálaglæpamönnum sem stjórna AGS og fleiri slíkum stofnunum. Íslendingar eru ekki bundnir af nauðasamningi sem óhæf stjórnvöld gerðu á síðasta ári með ennþá meira óhæfum samningamönnum. En Birgitta Jónsdóttir vakti mikla aðdáun margra með glæsilegri frammistöðu um þessi mál í bresku útvarpi á dögunum, þar sem hún rekur vanhæfi okkar stjórnvalda og axarsköft. Það er skiljanlegt að Steingrímur J. hafi ekki boðið henni með til Hollands því í klærnar á henni hafa þau Jóhanna lítið að gera á erlendri grund.
Er það ekki er næsta verkefni Indefence hópsins að koma því á framfæri við hið vesæla Alþingi okkar að við viljum heldur ekki lögin frá því í sumar, hvað þá samninga Steingríms ? Það er ekki nóg að fella desemberlögin úr gildi. Við viljum enga samninga um Icesave. Þetta kemur okkur ekki við. PUNKTUR.
Eða eins og kallinn sagði:
„ Við ætlum ekki að borga erlendar skuldir óreiðumanna !“